الارشيف / ثقافة وفن

تكشف هنا شيحة عن خواطر كتابتها منذ 11 عام

كشفت الفنانة هنا شيحة، عبر صفحتها الشخصية بموقع انستجرام، عن خواطر كانت قد قامت بكتابتها منذ 11 عام

، وتحديدا في 2007.

ونشرت "هنا" الخواطر التي جاء فيها "اقفل عينيك وافتكر كان شكلك إيه من 10 سنين، كان همك إيه وكان نفسك

تعمل إيه، كان نفسك تكون إيه، ودلوقتي بص في المراية واتفرج عليك، إسأل نفسك الأسئلة اللي فاتت،

وشوف ردك هايكون إيه، وحاول تسأل نفسك أنا اتغيرت ليه".

وتابعت "وإنت صغير بتبقى جريء، وعاوز تكسر كل الحواجز، وعاوز تجرب كل المخاطر، ومش عاوز تسمع

اللي أكبر منك وعندهم خبرة، علشان إنت قال إيه عارف مصلحتك، وشوية شوية تلاقي نفسك بتكبر ووسط الزحمة ولخمة الشغل، تلاقي نفسك نسيت نفسك".

واختتمت قائلة "ربنا خلقنا علشان كل واحد فينا يحقق حاجة في الدنيا، ومش أي حاجة والسلام، لأ، حاجة مفيش

حد غيرك يقدر يعملها حتى لو كانت صغيرة، وفي عين الناس مش مهمة، إنت عمال تتكلم تتكلم، طيب إمتى

هتعمل، إمتى هتاخد موقف من الحاجات اللي بتضايقك، وتكمل الموقف ده للنهاية".

يذكر أن الفنانة هنا شيحة، تشارك في السباق الرمضاني القادم بمسلسل "أرض النفاق"،

وهو من بطولة محمد

هنيدي، دلال عبد العزيز، محمد جمال، ومن إنتاج العدل جروب، عن قصة للأديب

يوسف السباعي.

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا